Finantza-funtzioak. Lehen zatia
LibreOffice Calc-en finantza-funtzio matematikoak biltzen dira kategoria honetan.
ACCRINT
Ordainketa periodikoak dituen titulu baten interes metatua kalkulatzen du.
ACCRINT(Jaulkipena; LehenInteresa; Likidazioa; Tasa; [Parea]; Maiztasuna [; Oinarria])
Jaulkipena (ezibestekoa) balorearen jaulkipen-data.
LehenInteresa (ezinbestekoa) balorearen lehen interesaren data.
Likidazioa (ezinbestekoa) ordura arte metatutako interesa kalkulatu beharreko data da.
Tasa (ezinbestekoa) urteko interes-tasa nominala (interes nominala)
Parea (aukerakoa):Segurtasunaren pare-balioa. Ematen ez bada, balio lehenetsia izango da, 1000 alegia.
ACCRINT funtzioaren Parea argumentuaren balioa zehazten gomendatzen da, Calc aplikazioak balio lehenetsia aplikatu ez dezan. Horrela, formula errazago ulertuko da eta errazago mantenduko da.
Maiztasuna (aukerakoa) urteko interes-ordainketen kopurua (1, 2 edo 4).
Titulua 2001.02.28an jaulki da. Lehen interesaren data 2001.08.31n ezarri da. Likidazio-data 2001.05.01 da. Interes-tasa 0,1 edo %Â 10 da, eta balio nominala 1000 moneta-unitate. Interesak urtean birritan ordaintzen dira (hau da, maiztasuna 2 da). Oinarria AEBetako metodoa da (0). Zenbatekoa da interes metatua?
=ACCRINT("2001-02-28";"2001-08-31";"2001-05-01";0,1;1000;2;0): 16,94444 ematen du.
ACCRINTM
Likidazio-datan ordainduko den (ordainketa bakarra) titulu baten interes metatua kalkulatzen du.
ACCRINTM(Jaulkipena; Likidazioa; Tasa [; Parea [; Oinarria]])
Jaulkipena (ezinbestekoa) balorearen jaulkipen-data.
Likidazioa (ezinbestekoa) ordura arte metatutako interesa kalkulatu beharreko data da.
Tasa (ezinbestekoa) urteko interes-tasa nominala (interes nominala).
Parea (aukerakoa): Segurtasunaren pare-balioa. Ematen ez bada, balio lehenetsia izango da, 1000 alegia.
ACCRINTM funtzioaren Parea argumentuaren balioa zehazten gomendatzen da, Calc aplikazioak balio lehenetsia aplikatu ez dezan. Horrela, formula errazago ulertuko da eta errazago mantenduko da.
Titulua 2001.04.01ean jaulki da. Mugaeguna 2001.06.15ean ezarri da. Interes-tasa 0,1 edo %Â 10 da, eta balio nominala 1000 moneta-unitate. Eguneko/urteko kalkuluaren oinarria egunekoa (3) da. Zenbatekoa da interes metatua?
=ACCRINTM("2001-04-01";"2001-06-15";0,1;1000;3): 7505342,47 ematen du.
AMORDEGRC
Likidazio bati dagokion amortizazioa kalkulatzen du, amortizazio beherakorraren arabera. AMORLINC funtzioan ez bezala, amortizazio-koefizientea balio-bizitzaren mende egongo da hemen.
AMORDEGRC(Kostua; ErosteData; LehenEpealdia; Hondar-balioa; Epealdia; Tasa [; Oinarria])
Kostua: eskuratze-kostua da.
ErosteData: eskuratzearen data da.
LehenEpealdia: lehen likidazio-epealdiaren amaiera-data.
Hondar-balioa: aktiboaren balio-bizitzaren amaierako hondar-balioa.
Epealdia: kontuan hartu beharreko likidazio-epealdia.
Tasa: amortizazio-tasa da
Aktibo bat 2020-02-01 egunean erosi zen 2.000 moneta-unitate ordainduta. Lehen likidazio-epealdiaren amaiera-data 2020-12-31 zen. Aktiboaren hondar-balioa bere bizitza amortizagarriaren amaieran 10 moneta-unitatekoa izango da. Amortizazio-tasa 0,1ekoa (%10) da eta urtea US metodoa erabilita kalkulatzen da(Basis 0). Amortizazioa beherakorra dela onartuta, zein izango da amortizazio kantitatea laugarren amortizazio-epealdian?
=AMORDEGRC(2000; "2020-02-01"; "2020-12-31"; 10; 4; 0.1; 0) funtzioak 163 moneta-unitateko amortizazio kantitaea itzultzen du.
Kontuan izan Microsoft Excel aplikazioak ez duela Basis 2 onartzen. Hortaz, Basis 2 erabiltzen bada eta dokumentua XLSX formatura esportatzen bada, errore bat emango du Excelen irekitzen denean.
AMORLINC
Likidazio-epealdiari dagokion amortizazioa kalkulatzen du, amortizazio linealaren arabera. Aktiboa likidazio-epealdiaren barnean erosi bada, amortizazioari dagokion balio proportzionala aplikatzen da.
AMORLINC(Kostua; ErosteData; LehenEpealdia; Hondar-balioa; Epaldia; Tasa [; Oinarria])
Kostua: eskuratze-kostua adierazten du.
ErosteData: eskuratzearen data da.
LehenEpealdia: lehen likidazio-epealdiaren amaiera-data.
Hondar-balioa: aktiboaren balio-bizitzaren amaierako hondar-balioa.
Epealdia: kontuan hartu beharreko likidazio-epealdia.
Tasa: amortizazio-tasa da
Aktibo bat 2020-02-01 egunean erosi zen 2.000 moneta-unitate ordainduta. Lehen likidazio-epealdiaren amaiera-data 2020-12-31 zen. Aktiboaren hondar-balioa bere bizitza amortizagarriaren amaieran 10 moneta-unitatekoa izango da. Amortizazio-tasa 0,1ekoa (%10) da eta urtea US metodoa erabilita kalkulatzen da(Basis 0). Amortizazioa lineala dela onartuta, zein izango da amortizazio kantitatea laugarren amortizazio-epealdian?
=AMORLINC(2000; "2020-02-01"; "2020-12-31"; 10; 4; 0.1; 0)funtzioak 200 moneta-unitateako amortizazioa itzultzen du.
Kontuan izan Microsoft Excel aplikazioak ez duela Basis 2 onartzen. Hortaz, Basis 2 erabiltzen bada eta dokumentua XLSX formatura esportatzen bada, errore bat emango du Excelen irekitzen denean.
DB
Aktibo baten amortizazioa kalkulatzen du, epealdi jakin baterako, metodo beherakor finkoaren bidez.
Amortizazioaren hasieran amortizazio handiagoa ezarri nahi baduzu (amortizazio linealaren ordez), erabili amortizazio mota hau. Amortizazio-balioa murriztu egiten da amortizazio-epealdi bakoitzean, amortizatzeko geratzen den zatian oinarrituta.
DB(Kostua; Hondar-balioa; Bizitza; Epealdia [; Hilabetea])
Kostua: aktiboaren hasierako kostua.
Hondar-balioa: aktiboari amortizazioaren (balio-bizitzaren) amaieran geratzen zaion balioa.
Bizitza: aktiboaren amortizazioak zenbat irauten duen definitzen du; hau da, zenbat denboran erabiliko den aktiboa.
Epealdia epealdi bakoitzaren iraupena da. Epealdiaren balioak amortizazioaren iraupenaren denbora-unitate berekoa izan behar du.
Hilabetea aukerak (aukerakoa) amortizazioaren lehen urteko hilabete kopurua definitzen du. Sarrerarik definitzen ez bada, 12 erabiliko ba balio lehenetsi gisa.
Hasierako kostua 25.000 moneta-unitateakoa duen ordenagailu bat hiru urteko epealdian amortizatuko da. Hondar-balioa 1.000 moneta-unitatekoa izango da. Amortizazioaren lehen epealdia 6 hilabetekoa da. Zein da ordenagailuaren beheratze finkoko balantze-amortizazioa bigarren epealdian, kontuan hartuta urte oso batekoa dela sei hilabeteko lehen epealdia amaitu ondoren?
=DB(25000; 1000; 3; 2; 6) funtzioak 11.037,95 moneta-unitate itzultzen ditu.
DDB
Aktibo baten amortizazioa kalkulatzen du, epealdi jakin bateko, metodo aritmetiko beherakorraren bidez.
Hasieran gehiago amortizatu nahi baduzu, erabili amortizazio-metodo hau (amortizazio linealaren ordez). Amortizazioaren balioa murrizten joaten da epealdiz epealdi eta eskuratu eta handik gutxira balio-galera handiagoa izaten duten aktiboekin erabiltzen da normalean. Kontuan izan kontabilitate-balioa inoiz ez dela zerora iritsiko kalkulu mota honekin.
DDB(Kostua; Hondar-balioa; Bizitza; Epealdia [; Faktorea])
Kostua: aktibo baten hasierako kostua.
Hondar-balioa: aktiboari bere bizitzaren amaieran geratuko zaion hondar-balioa.
Bizitza: aktiboa zenbat epealditan (zenbat urtetan edo hilabetetan) erabiliko den zehazten du.
Epealdia: balioa kalkulatzen den epealdia.
Faktorea (aukerakoa): faktore honen arabera murrizten da amortizazioa. Baliorik sartzen ez bada, faktore lehenetsia 2 da.
75.000 moneta-unitateko hasierako kostua duen ordenagailu-sistema bat hilero amortizatu nahi duzu 5 urtez. Amortizazioa amaitutakoan, hondar-balioak 1 moneta-unitatekoa izan behar du. Faktorea 2 da.
=DDB(75000;1;60;12;2) = 1.721,81 moneta-unitate. Beraz, eskuratu ondorengo hamabi hilabeteko amortizazio beherakor bikoitza 1.721,81 moneta-unitatekoa da.
DISC
Titulu baten deskontua kalkulatzen du portzentaje gisa.
DISC(Likidazioa; Mugaeguna; Prezioa; Diru-itzulketa [; Oinarria])
Likidazioa: balorea erosi zen data.
Mugaeguna: balorea mugaeguneratzen den data (iraungitze-data).
Prezioa: balorearen prezioa (erosketa-prezioa), 100 moneta-unitateko balio nominalari dagokiona.
Diru-itzulketa: tituluaren 100 moneta-unitateko balio nominalarengatik itzuliko duten zenbatekoa.